| b. Gida didaktiko pedagogikoa |
 Kontzeptuzko edukiak |
| |
• Lanbide-inguruneak: industrialdea, mendia, itsasoa, ikastetxea, jatetxea, supermerkatua, ospitalea, nire etxea, kultura-gunea, udaletxea.
• Euskal lanbide tradizionalak: artzaina, arrantzalea, saregilea, baserritarra, dantzaria.
• Euskal produkzio-ehuneko berezko lanbideak: sukaldaria, soldatzailea, artisaua, ikerlaria.
• Zerbitzu-sektoreko eta sektore berdeko lanbideak, turismoa: irakaslea, okina, harakina, osagilea, erizaina, alkatea, polizia, suhiltzailea, ingurugiroko teknikaria.
• Lanbide ez ordainduak/etxeko lanak: etxekoandre/gizona.
• Lanbideen lantokiak: bulegoa, etxea, merkataritza-lokala, lantegia,…
• Lanbide bakoitzeko jarduera nagusiak eta barnean hartzen dituzten produkzio-prozesuak.
• Lanbideen hiztegi espezifikoa.
• Lanbideekin lotutako tresnak, lanabesak eta janzkera. |
|
| |
| Prozedurazko edukiak |
| |
• Inguruneko lanbide nagusiei buruzko adibide sinpleak ipintzea.
• Lanbideei buruzko informazioa biltzea eta ikertzea.
• Lanbideei buruzko horma-irudiak egitea.
• Hainbat lanbideetako egoerak mimikaren bitartez dramatizatzea.
• Lanbideei buruzko hiztegi espezifikoa eskuratzea.
• Lanbide bakoitzeko produkzio-ibilbideetara hurbiltzea, gizartean betetzen duen helburu nagusia ezagutzeko.
• Profesionalek ikastetxea bisitatzea; ikastetxeak enpresak /erakundeak bisitatzea.
• Baliabide teknologikoak erabiltzea. |
|
| |
| Jarrerazko edukiak |
| |
• Balio-aldaketarekiko haurrak sentsibilizatzea, genero-estereotipoen eta sexuaren arabera egotzitako rolak.
• Ingurugiroarekin lotutako lanbideetan haurrak sentsibilizatzea.
• Erantzukizun ekonomikoa gizonari eta familiaren eta etxearen erantzukizuna emakumeari egozteari dagozkion balioak aldatzea.
• Lanbideen aniztasunarekiko sentsibilizazioa, berezikeria sexistak eta arrazistak saihestuz.
• Hainbat lanbideren erantzukizuna eta garrantzia eta gizartean duten eginkizuna aintzat hartzea, sexua kontuan hartu gabe.
• Lanbide ez ordainduaren balioa eta eginkizuna aintzat hartzea (etxeko lana).
|
|
| |
| Planteamendu didaktikoaren egitura |
| Edukiak lantzeko proposatzen diren jarduerak ("d" atalean zehaztu direnak) eta denborak honako hauek dira: |
| |
JARDUERAK |
IRAUPENA |
| |
LANBIDEAK NIRE HERRIAN |
3 ordu |
| |
ZEIN DA NIRE LANBIDEA? |
2 ordu |
| |
LANBIDEEN COLLAGEA |
ordu bat |
| |
ZER DELA ETA ZER DELA |
ordu bat |
| |
ZERTAN ARI DA LANEAN NIRE FAMILIA? |
3 ordu |
| |
LANBIDEEKIN JOKATUZ (joko interaktiboa) |
2 ordu |
| |
BENETAKO LANBIDEA EZAGUTZERA GOAZ |
2 ordu |
| |
ZUHAITZ GENEALOGIKOA |
2 ordu |
| |
|
|
|
| |
| Beharrezko baliabide didaktikoak |
| Proposatzen diren jarduerak garatzeko baliabide hauek eskura egon beharko lirateke: |
| |
• Arbel digital interaktiboa
• Ordenagailu eramangarriak
• Internet konexioa
• Eskola-materialak: arkatzak, margoak…
• Material osagarriak: sakelakoak, tableak, argazkiak, kartoi meheak eta abar.
|
|
| |
| Noiz eta nola erabili behar den materiala |
Lehen Hezkuntzako Lehenengo Zikloko Natura, Gizarte eta Kultura-ingurunearen ezagueraren arloko eduki didaktikoak lantzeko lan-material espezifiko gisa erabil daiteke aurkezten den tresna.
Eskola-ekipamendu berrietara eta azken belaunaldiko euskarrietara (arbel digital interaktiboa, weba, ordenagailu eramangarria, netbooka, ipoda, tableta,…) egokitutako materiala da; horrela, irakaskuntza- eta ikaskuntza-prozesuak laguntzen dituzten gizarte-mailan ohikoenak diren euskarri teknologikoen alde egiten da.
Ordenagailuak eta plataforma erabiliz, taldeko eta banakako jarduerak konbinatu ahal izango dira, eta baita tresna erabili behar ez duten bestelako jarduerak ere egin ahal izango dira. |
| |
| Ebaluazio-irizpideak eta ebaluazio-tresnak |
Ebaluazio-irizpideei dagokienez, material didaktiko hauek proposatzen ditu: |
| |
• Ingurune hurbileneko jarduera ekonomiko adierazgarrienak identifikatzen ditu.
• Euskal Herriko lanbide adierazgarrienak identifikatzen ditu.
• Bere ingurune hurbileko pertsonen lanbideak identifikatzen ditu (familia).
• Lanbideen berezko hiztegiak erabiltzen ditu.
• Lanbideen eta sortzen dituzten prozesuen eta produktuen arteko loturak ezartzen ditu.
• Lanbideen aniztasunarekiko sentsibilitatea erakusten du, sexuarengatik eta arrazarengatik bereizkeria saihestuz.
• Haren ingurunean lanean ari diren pertsonen benetako esperientziekiko interesa adierazten du.
• Bere senideak elkarri eragiten die haien lanbideei buruz gehiago jakiteko.
• Bere inguruneko pertsonek egiten dituzten lan-jardueren erantzukizunaren garrantzia balioesten du.
• Dagozkien janzkerarekin, lanabesekin eta tresnekin identifikatzen eta lotzen ditu lanbideak.
• Lanbide ordainduak eta ez ordainduak bereizten ditu.
|
|
| |
Material didaktikoan proposatzen diren ebaluazio-tresnak asko dira:
irakasleen tutoretzapeko jardueren bitartez ("nire herriko lanbideak" eta "zein da nire lana"), banakako eta taldeko galderak planteatuko dituzte irakasleek; horrela, gai horri buruz ikasleek dituzten aurre-ezagutzak neurtu ahal izango dira eta ikasleen partaidetza sustatuko da, ikasle bakoitzaren partaidetza-maila eta parte-hartze bakoitzaren kalitatea balioetsiz.
Honez gain, ikasgelan egiteko beste taldeko eta banakako jarduera aurkezten dira (ikusi "d" atalean adierazitako jarduerak); ikaslearen banakako edo taldeko parte-hartzearen bitartez haren ikaskuntza-prozesuaren balioespena egitea ahalbidetuko dute jarduera horiek.
Bestalde, "Lanbideekin jokatzen" jardueraren bitartez, ikasgelan landutako gaiei buruz dituen ezagutzak jokoaren bidez probatu ahal izango ditu ikasleak. Eta "Gure lanbideen txokoa" atalean, haren gurasoen lanbideei buruz ikasleak ikasitakoaren ikaskuntza ebaluatu ahal izango du irakasleak.
|
| |
|
  |
|