| |
|
| |
HELBURUAK: |
| |
|
| |
- Familia-aniztasunaren aurrean errespetua lantzea
- Norberaren familia-eredua naturaltasunez onartzea
- Kolore desberdinak ezagutzea
- Ordenagailuaren bidez lan bat egitea
- Lanak txukun eta gogoz osatzea
- Jardueretan jarrera egokiaz parte hartzea
. |
| |
|
| |
GAITASUNAK: |
| |
|
| |
a) Hizkuntzarako/komunikaziorako gaitasuna
b) Matematika-gaitasuna
c) Zientzia, teknologia eta osasun-kulturarako gaitasuna
d) Gaitasun digitala
e) Gizarte eta hiritar-gaitasuna
f) Arte-kulturarako gaitasuna
g) Ikasten ikasteko gaitasuna
h) Norberaren autonomiarako eta ekimenerako gaitasuna |
| |
|
| |
MATERIALAK: |
| |
|
| |
- Plataforma digitala
- Inprimagailua
- Kolorezko kartulina handiak
- Kolorezko argizariak
- Kola |
| |
|
| |
JARDUERAK |
| |
|
 |
1. EKINTZA:"Nire familia osatzen dut" |
| |
|
| |
Jarduera hori egiteko, ikasleak binaka jarriko ditugu ordenagailuaren aurrean. Plataformaren bidez ikasle bakoitzak bere familia osatuko du (Iruditeka tresnaren bidez familiakideen aniztasuna primeran isla daiteke: adina, arraza, generoa eta abar). Familia osatu ondoren, zein testuingurutan kokatu nahi duen aukeratuko du: parkean, mendian, hondartzan eta abar.
Plataformak dituen aukerez balia gaitezke. Ondoren, fitxa inprimatu eta koloreztatu egingo dute.
Aldi berean, gainerako gelakideek beste ekintza bat osa dezakete; esaterako; plataformak duen "iruditekatik" zenbait irudi desberdin inprima ditzakegu, adibidez: amona-aitona, haurtxo txikiak, nerabeak... Beti ere gure gelan dagoen aniztasuna islatuko duen giza-irudi sorta izan behar du.
Behin irudi horiek inprimaturik daudela, ikasleak bere familia osatuko duten giza-irudiak aukeratu eta mural batean itsatsiko ditu. |
| |
|
|
2. EKINTZA: "Guk ……. atsegin dugu" |
| |
|
| |
Aurretik sortutako fitxez baliatuta, haurrak kolektiboki jarriko dira. Bakoitzak bere fitxa eskuan duela, irakasleak kolore desberdinetako zenbait kartulina handi jarriko ditu lurrean. Kartulina bakoitzak izenburu bat edukiko du; "Guk mendia atsegin dugu", "Guk hondartza atsegin dugu", "Guk parkea atsegin dugu" eta abar. (Plataformak tokiak irudikatzeko dituen aukerak ugari dira; horiekin loturik urtaroak eta, bidenabar, arropa mota desberdinak lan daitezke).
Behin material guztia prest dagoela, ikasle bakoitzak banan banan eta besteei zuzenduz honela esango du, "guk mendia atsegin dugu " eta bere fitxa mendiaren kartulinan itsatsiko du irakaslearen laguntzarekin.
Azkenik, jarduera amaitutzat eman aurretik, irakasleak zenbait mezu zabal ditzala komenigarria iruditzen zaigu, jarduera horrekin ikasleei zera ikus arazi nahi baitzaie: familia-eredu desberdinak eduki arren, atsegin ditugun gauzen aurrean berdinak gara, hau da, Unai, Maider edo Arkaitzen familiak desberdinak izan arren, hirurek hondartzara joatea atsegin dute. |
| |
|
| |
|
| |
EBALUAKETA-IRIZPIDEAK |
| |
|
| |
- Ea norberaren familia-eredua onartzen duen
- Ea harena ez den familia-eredua errespetatzen duen
- Ea ordenagailua erabiltzeko gai den
- Ea lanak txukun egiten dituen
- Ea koloreak koherenteki erabiltzen dituen
- Ea jardueretan pozik eta gogotsu parte hartzen duen |
| |
|
|
